نظارة واثق - غير مفهومك عن الثقة بالنفس

عمرك جربت تلبس نظاره مش بتاعتك أو مش نظيفه وتحس أن الرؤية بتاعتك مش واضحه؟
أو تكتشف أن النظاره بس كانت محتاجه بس تتنظف علشان تشوف بوضوح؟

ده بالظبط حال الشخص اللي مش واثق في نفسه
هو محتاج يغير بعض المفاهيم عن نفسه وعن الحاجات اللي حواليه علشان يكون واثق في نفسه

“محتاج بس “يصلح عدسات نظارته

ببساطة مفيش حد إتولد واثق في نفسه ومفيش حد أتولد مش واثق في نفسه
الثقة بالنفس بتيجي مع كتر التجارب وإكتساب الشخص مفهوم إيجابي عن نفسه
وقلة الثقه بالنفس بتيجي من قلة التجارب وإكتساب الشخص مفهوم سلبي عن نفسه
!بس الفكره كلها في وضوح عدسات نظارتك