انثى واعية

بدأت ككلام بيتقال في فيديوهات بسيطة،
تحت هاشتاج #أنثى_واعية،
محاولة لتصحيح مفاهيم اتزرعت غلط،
ولزرع وعي كنت أتمنى كل بنت تكبر وهي شايلاله جواها.

مع الوقت فهمت إن الكلام السريع،
رغم تأثيره،
ما يكفيش دايمًا.
وإن في أفكار محتاجة هدوء،
وتأمل،
ومساحة أوسع من فيديو.

السنة اللي فاتت قررت أكتب،
مش علشان أضيف كتاب جديد،
لكن علشان أقول كلام كان محتاج يتقال من بدري.
ورغم إني ما قدرتش أقدمه في معرض الكتاب اللي فات،
ولا كانت السنة دي سهلة عليّ بأي شكل،
إلا إن الإصرار كان أقوى من كل تأجيل.

الكتاب ده اتكتب من تجربة،
ومن أسئلة،
ومن محاولات فهم قبل ما تكون محاولات إجابة.

أسأل الله أن يكون خالصًا لوجهه الكريم،
وأن يجد طريقه لكل أنثى محتاجة تسمع الكلام ده في الوقت الصح.